ტვირთების გადაზიდვისა და საფოსტო გზავნილებით მომსახურების პირობები
შემსრულებელი: შპს "მია-ტრანსპორტერი", შემდგომში კომპანია "მია-ტრანსპორტერი", ვებ-გვერდი: www.sheniamanati.ge , მისამართი - ქ. თბილისი, ნავთლუღის ქ. 10ა, ტელ.: 032 2 060998.
მომხმარებელი: ფიზიკური ან/და იურიდიული პირი, რომელიც სარგებლობს შპს "მია ტრანსპორტერი"-ს გადაზიდვის სერვისით და მინიჭებული აქვს მომხმარებლის MT (სტანდარტული საჰაერო) HK -(ელემენტის შემცველი საჰაერო) SS - (ჩინეთის სახმელეთო) და TK-(თურქეთი) ნომერი. მომხმარებლის შესახებ ინფორმაცია ასევე დაფიქსირებულია ტვირთის ჩამოსვლისას თანდართულ საერთო კომერციულ ინვოისში და შპს „მია ტრანსპორტერი“-ს მონაცემთა ბაზაში.
კომპანია მია-ტრანსპორტერი-ში მომხმარებლის რეგისტრაცია უფასოა და ნებაყოფლობითი. რეგისტრაცია ხორციელდება ვებ-გვერდზე www.sheniamanati.ge მომსახურების პირობები საჯაროა. კომპანია მია ტრანსპორტერი-ს მომსახურებით სარგებლობა ნიშნავს, რომ მომხმარებელი დაეთანხმა აღნიშნულ მომსახურების პირობებს, მხოლოდ მისი გაცნობის შემდეგ.
1. ტრანსპორტირების ღირებულება, ამანათის წონის დამრგვალება და გადახდა
1.1.ტრანსპორტირების ღირებულება
ჩინეთიდან 1 კგ ტვირთის საჰაერო გადაზიდვის ღირებულება შეადგენს 10.5 დოლარის ექვივალენტს ლარში, ხოლო სახმელეთო - 5.5$ აშშ დოლარის ექვივალენტს ლარში, თურქეთი - 2.5 აშშ დოლარის ექვივალენტს ლარში (კურსი ანგარიშდება, ლარის, დოლარის და იუანის/თურქული ლირის შეწონილი კურსით, გამოგზავნასა და ჩამოსვლას შორის სავალუტო კურსის რყევის გათვალისწინებით), რომელიც არ უნდა აღემატებოდეს, ამანათის ატვირთვის მომენტში, ეროვნული ბანკის მიერ დადგენილ კურსს 0.1 ნიშნულით, ხოლო თუ თურქეთიდან გზავნილის წონა აღემატება 10 კილოგრამს - 1 კგ ანგარიშდება 1 დოლარად.
2024 წლის 1 ივნისიდან - 2024 წლის 30 აგვისტომდე, თურქეთიდან ამანათების ტრანსპორტირების ღირებულება შეადგენს 1.85 დოლარს.
იმ შემთხვევაში,თუ მოცულობითი წონა აჭარბებს რეალურს, ტრანსპორტირების ღირებულება გამოითვლება მოცულობითი წონით, მოცულობითი წონა ითვლება ფორმულით - სიგრძე გამრავლებული სიგანეზე გამრავლებული სიგრძეზე და მიღებული ნამრავლი გაყოფილი 6000ზე.
თურქეთიდან გზავნილებზე მოცულობითი წონა გაუქმებულია.
არასტანდარტული / არაგაბარიტული ტვირთის ან/და ამანთების ტრანსპორტირების პირობების დასაზუსტებლად, გთხოვთ წინასწარ დაგვიკავშირდეთ.
1.2 თუკი ამანათს მკაფიოდ და გარკვევით არ აქვს მითითებული საჰაერო ან სახმელეთო მისამართი, მაშინ გზავნილი იგზავნება საჰაერო გზით, თუკი ამის საშუალებას მისი შიგთავსი იძლევა გარეგანი დათვალიერების ან სტიკერზე დატანილი ინფორმაციის მიხედვით.
1.3 ამანათები დიდი ბრიტანეთიდან დაზღვეულია ავტომატურად და ანაზღაურდება 100 ბრიტანული ფუნტის ფარგლებში. დაზღვევა არ ეხება ავიაგადაზიდვით აკრძალული ნივთების ჩამონათვალს.
1.4 ამანათების წონის დამრგვალება ხდება ავია მინიმალური წონა - 130 გრ–მდე სიზუსტით. გადასახდელი თანხა განისაზღვრება ამანათის ზუსტი წონის მიხედვით პარაგრაფი 1.4–ში განსაზღვრული მოცულობითი წონის გათვალისწინებით.
1.5.სავალდებულოა გადახდა განხორციელდეს მხოლოდ www.sheniamanati.ge ვებ–გვერდზე მითითებული გადახდის მეთოდებით.
1.6 მომხმარებლის მხრიდან შპს მია-ტრანსპორტერი-ს მიმართ ამანათის ტრანსპორტირების დავალიანების არსებობის შემთხვევაში, კომპანია იტოვებს უფლებას მომხმარებლის მხრიდან დავალიანების სრულად დაფარვამდე არ გასცეს მომხმარებლის სახელზე ჩამოსული სხვა გზავნილები. აგრეთვე კომპანია, უფლებას იტოვებს, ცალკეულ შემთხვევებში, შეაჩეროს ამანათების გაცემა, თუკი ერთ რეისზე ერთად ჩამოსული ამანათების ტრანსპორტირების ღირებულება სრულად არაა გადახდილი, ან მომხმარებელს ერიცხება დავალიანება.
1.7 ამანათი ჩვენს საწყობებში უნდა მივიდეს ისეთი შეფუთვით, რომ არ დაზიანდეს თავად და არ დააზიანოს სხვა ამანათები.
1.8 მომხმარებლის მიერ ბალანსზე თანხის ასახვა ვებ-გვერდიდან ხდება ყოველგვარი დამატებიტი გადასახადის გარეშე. ხოლო მომხმარებლის მიერ ბალანსიდან თანხის უკან გატანის შემთხვევაში, პირად საბანკო ბარათზე ერიცხება მოთხოვნილი თანხის 80%.
1.9 დაუზღვეველი ნივთის კომპანიის მიერ ანაზღაურების შემთხვევაში, ანაზღაურებული თანხა ჯდება შენიამანათი.ჯის პირადი ოთახის ბალანსზე, რომლის გატანაც პირად ანგარიშზე არაა დაშვებული.
2.0 გაბარიტებული ტრანსპორტირებადი ზომებია მაქსიმუმ 150 სმ, სხვა შემთხვევაში დაგვიკავშირდით წინასწარ.
2. საკურიერო მომსახურება
2.1 საქართველოს ტერიტორიაზე საკურიერო მომსახურება ფასიანია.
2.2. ამანათის მისაღებად საჭიროა მომხმარებელმა თან იქონიოს მიმღების (პიროვნება, რომლის სახელი და გვარი აწერია უშუალოდ ამანათს) პირადობის დამადასტურებელი მოწმობა ან პასპორტი. ქსეროასლი არ მიიღება. აგრეთვე შესაძლებელია ნოტარიულად დამოწმებული მინდობილობის წარდგენა.
2.3. ამანათის გადაცემის დამოწმება ხდება მომხმარებლის მიერ პირადობის ან პასპორტის წარდგენით და შესაბამისი ჩანაწერით მომხმარებლის ექაუნტში.
2.4. ჩამოსული ამანათები საწყობში შეინახება 30 დღის განმავლობაში. თუ მომხმარებელი ვერ ახერხებს ამანათის გატანას მითითებულ პერიოდში, მან ამის შესახებ უნდა აცნობოს კომპანიას ვადის გასვლამდე არაუგვიანეს ერთი კვირისა ვებგვერდზე მითითებულ ელექტრონულ ფოსტაზე. მოუკითხავი ტვირთები თვის ბოლოს გასხვისდება ან გადავა მია ტრანსპორტერის საკუთრებაში.
3. ამანათის გადაცემა მესამე პირზე შესაძლებელია მხოლოდ იმ შემთხვევაში, თუ მას შეუძლია წარადგინოს რომელიმე ქვემოთ ჩამოთვლილი დოკუმენტი:
3.1. მიმღების პირადობის დამადასტურებელი მოწმობა, ან პასპორტი გადახდის ქვითართან ერთად.
3.2. ნოტარიულად დამოწმებული მინდობილობა, ამანათის გამტანის პირადობის მოწმობა და გადახდის ქვითარი.
4. განბაჟება:
4.1. თუ ერთ რეისზე გამოგზავნილი ნივთ(ებ)ის ღირებულება აღემატება 300 ლარს ან 30 კილოგრამს ან შეიცავს კომერციული დანიშნულების პროდუქციას.
4.2. განბაჟება ხორციელდება მომხმარებლის მიერ წარმოდგენილი ნივთის ინვოისის (ორდერის) საფუძველზე, გამონაკლის შემთხვევაში კომპანია მია ტრანსპორტერი უფლებას იტოვებს ინვოისის ავთენტურობის დადგენის მიზნით, მომხმარებელს მოთხოვოს დამატებითი ინფორმაცია ( მისი ექაუნტის გახსნა, გადახდის დამადასტურებელი დოკუმენტაცია და ა.შ.)
4.3. დეკლარირება (პროდუქციის დასახელებისა და ფასის მითითება) მია ტრანსპორტერი–ს ვებ–გვერდზე სავალდებულოა. ინფორმაციის სისწორეზე პასუხისმგებლობა მთლიანად ეკისრება მომხმარებელს.
4.4. სავალდებულოა მია ტრანსპორტერი–ს მომსახურების გადახდა განბაჟების პროცედურების დაწყებამდე. კომპანია საბაჟო დეკლარაციას არ ბეჭდავს ტრანსპორტირების თანხის გადახდამდე!
4.5 დეკლარაციის ბეჭდვა -უფასოა. ნულოვანი დეკლარაციის ბეჭდვის ღირებულება შეადგენს - 10 ლარს.
4.6. იმ შემთხვევაში, თუ საბაჟო სამსახური ან ფინანსთა სამინისტრო დააკისრებს საჯარიმო სანქციას კომპანია მია ტრანსპორტერ–ს, მომხმარებლის მიერ მომსახურების პირობების მთლიანად ან ნაწილობრივ შეუსრულებლობის გამო (მაგ.: პროდუქციის არასრული ან არაზუსტი დეკლარირება), კომპანია მია ტრანსპორტერი უფლებას იტოვებს აღნიშნული ჯარიმის გადახდა დააკისროს მომხმარებელს.
4.7 კომპანია არ აგებს პასუხს და არ ანაზღაურებს არც ტრანსპორტირების ღირებულებას და არც ნივთის ღირებულებას, თუკი გზავნილი შეიცავს გამომგზავნ ან მიმღებ ქვეყანაში ადგილობრივი კანონმდებლობით აკრძალულ ან სპეციალური ნებართვების საჭირო პროდუქციას.
5. პროდუქცია რომლის ტრანსპორტირებაც შეზღუდულია
5.1. ვებ გვერდის პირველ გვერდზე იხილეთ პროდუქციის ჩამონათვალი, რომლის ტრანსპორტირებაც შეზღუდულია. მომხმარებლის მხრიდან აკრძალული პროდუქციის გამოგზავნის შემთხვევაში კომპანია მია ტრანსპორტერი არ იღებს პასუხისმგებლობას პროდუქციის საქართველოში გამოგზავნაზე ან უცხოეთში საბაჟოს მხრიდან პროდუქციის კონფისკაციაზე და იხსნის ყოველგვარ პასუხისმგებლობას ასეთ ნივთებზე მისი გადაადგილების ნებისმიერ ეტაპზე.
5.2. იმ შემთვევაში თუ მომხმარებელი მაინც გაგზავნის აკრძალულ პროდუქციას კომპანია მია ტრანსპორტერი-ს მიერ მომხმარებლისთვის გადაცემულ მისამართზე, კომპანია არ იღებს პასუხისმგებლობას ამანათის გამომგზავნ მაღაზიასთან ან კერძო პირთან ამანათის დაბრუნებაზე. აღნიშნული დარღვევა ჩაითვლება მომსახურების პირობების დარღვევად, რაც გამოიწვევს მომსახურების უპირობო შეწყვეტას და მომხმარებლისთვის საჯარიმო სანქციების დაკისრებას, რაც განისაზღვრება კომპანია მია ტრანსპორტერი-სთვის მიყენებული მატერიალური ზარალის ოდენობით.
6. სახმელეთო და ავია რეისების განრიგი და ამანათის მიღების პერიოდი
6.1. ჩინეთის საწყობი მუშაობს ყოველდღე, გარდა ჩინეთსი არსებული სახელმწიფო დასვენების დღეებისა. ავია რეისები იგზავნება კვირაში 2-ჯერ, ხოლო სახმელეთო რეისები საჭიროებისამებრ.
6.2. ტრანსპორტირების საშუალო ხანგრძლივობა შეადგენს ამანათის საწყობიდან გამოგზავნიდან 7-14 დღეს ავია გადაზიდვის შემთხვევაში,25-45 დღეს სახმელეთო გადაზიდვის ხოლო 3-5 დღეს თურქეთის შემთხვევაში.
6.3. აღნიშნული რეისების განრიგი არ არის ფიქსირებული და კომპანია პასუხისმგებლობას არ იღებს ფორსმაჟორული სიტუაციების შემთხვევაში რეისების დაგვიანებაზე (მაგ.: რთული მეტეოროლოგიური პირობები, ავია კომპანიის მიერ გაუქმებული ან შეცვლილი განრიგი და ა.შ.), ასევე დღესასწაულებთან დაკავშირებულ გადატვირთვებზე .
7. სხვა შეზღუდვები და პირობები
7.1. კლიენტის მხრიდან ნებისმიერი ტიპის ჟარგონული, არაეთიკური ან შეურაწმყოფელი ტერმინების გამოყენება, როგორც ელ–ფოსტით, ასევე ტელეფონზე, ჩათით ან თანამშრომლების მიმართ პირადად, ასევე ხმამაღალი საუბარი, ტონის აწევა, ყვირილი, დამცინავი ან ირონიული საუბარი - გამოიწვევს მომხმარებლის სერვისის დაუყოვნებლივ და უპირობო შეწყვეტას მისი შემდგომი განუახლებლობის პირობით.
7.2. კომპანიის ოფისში მოსული ორსულები, ასევე მომხმარებლები მცირეწლოვან ბავშვებთან ერთად მიიღებენ ამანათს ურიგოდ. მათთვის რიგის დათმობა სავალდებულოა და უპირობო.
7.3. ყველა ინფორმაცია და პირობა რომელიც განთავსებულია მია ტრანსპორტერი-ს ვებ–გვერდზე www.sheniamanati.ge , მათ შორის ტექსტური მასალა ხშირად დასმულ კითხვების განყოფილებიდან და მომსახურების პირობების გვერდიდან ნამდვილია და წარმოადგენს მომსახურების პირობების განუყოფელ ნაწილს. მომსახურების პირობები ითვლება კომპანიასა და მომხმარებელს შორის დადებულ შეთანხმებად, მომხმარებლის ვებ–გვერზე რეგისტრაციის მომენტიდან.
7.4. მია ტრანსპორტერი არ იღებს პასუხისმგებლობას საქართველოში ამანათის ტრანსპორტირებაზე, თუ პროდუქციის გამოწერისას მომხმარებელი დაუშვებს შეცდომას და მისამართს მიუთითებს არასრულად ან არასწორად. მომხმარებლის მხრიდან მისამართის ცვლილება დაუშვებელია და ის უნდა ჩაიწეროს ზუსტად ისე, როგორც მოცემულია მომხმარებლის გვერდზე, ასევე რეგისტრაციისას მიღებულ ელექტრონულ წერილში.
7.5. მია ტრანსპორტერი ვალდებულებას იღებს კლიენტთთან მხოლოდ იმ სერვისებზე, რაც აღწერილია მომსახურების პირობების გვერდზე.
7.6. მია ტრანსპორტერი უფლებას იტოვებს მოახდინოს მომხმარებელთან ურთიერთობის ამსახველი მონაცემების ჩაწერა და დამახსოვრება (ინტერნეტის, სატელეკომუნიკაციო თუ ვიდეო სამეთვალყურეო სისტემების ყველა სახეობის საშუალებით, მათ შორის ელ–ფოსტით გამოგზავნილი წერილების, ჩათით ან ტელეფონით საუბრები,) რაც შესაძლოა კომპანიამ გამოიყენოს მისი უფლებების დაცვის მიზნით მომხმარებელთან სასამართლო ან სხვა დავის წარმოქმნის შემთხვევაში.
7.7. მომხმარებელი ეთანხმება, რომ მის მიერ ამანათის მისაღებად წარმოდგენილი დოკუმენტები (პირადობა, პასპორტი, ბანკის ქვითარი) არის უტყუარი და ამ დოკუმენტების ნამდვილობაზე პასუხისმგებლობა მთლიანად ეკისრება მომხმარებელს.
7.8.თუ კომპანიის მიერ ტრანსპორტირების საფასურის ატვირთვიდან 30 დღის შემდეგ არ მოხდა ამანათის ტრანსპორტირების თანხის გადახდა, მომხმარებლის ამანათი და მისი შიგთავსი გადადის კომპანია მია ტრანსპორტერი-ს საკუთრებაში, ხოლო აღნიშნული მომხმარებელი გაითიშება სისტემიდან მისი შემდგომი განუახლებლობის პირობით.
7.9. მომხმარებლის პირადი ინფორმაცია დაცულია. კომპანია მია ტრანსპორტერი არ გადასცემს მესამე მხარეს მომხმარებლის შესახებ რაიმე სახის ინფორმაციას სასამართლო დადგენილების გარეშე.
7,10 მომხმარებელი წინასწარ თანხმობას აცხადებს, ვებ გვერდზე რეგისტრაციის მომენტიდან, მიიღოს მოკლე ტექსტური შეტყობინებები კომპანიიდან, როგორც კონკრეტულად მის ამანათებთან დაკავშირებული, ასევე სარეკლამო. აღნიშნული მომსახურების საერთოდ გამორთვის მიზნით, მომხმარებელი ვალდებულია წერილობით მიმართოს კომპანიას ელექტრონულ ფოსტაზე:
[email protected], რის შემდეგაც კომპანია ვალდებულია კანონონმდებლობის შესაბამისად, დაუყოვნებლივ შეწყვიტოს მომხმარებელთან მოკლე ტექსტური შეტყობინებების გაგზავნა.
7.11. კომპანია მია ტრანსპორტერი უფლებას იტოვებს კლიენტის წინასწარი ინფორმირების შემდეგ, მასთან შეთანხმების გარეშე, შეცვალოს მომსახურების მიწოდების პირობები.
8.ლოქერით (24 საათიანი გატანის ყუთებით) სარგებლობის წესები და პირობები)
8.1 ლოქერით სარგებლობა ფასიანია - 24 საათი -2 ლარი, რომელიც გეჭრებათ შენიამანათი.ჯი-ს ბალანსიდან. შეგიძიათ ლოქერი შეუკვეთოთ იმ ხანგრძლივობით როგორც გნებავთ. ვადის ამოწურვის შემდეგ, ამანათები ბრუნდება უახლოეს ფილიალში.
8.2 ლოქერში ჩადებულ ამანათებზე ტემპერატურულ და გარე ზემოქმედებით გამოწვეულ ზიანზე კომპანია პასუხს არ აგებს;
8.3 ლოქერში ამანათების განთავსება ხდება ყოველ საღამოს 19:00 სთ-ზე შაბათ-კვირის გარდა. ხოლო ლოქერში ამანათების განთავსების შეკვეთა შეგიძლიათ არაუგვიანეს 18:00 საათისა ორშაბათიდან პარასკევის ჩათვლით.
8.4 ლოქერში ამანათების ჩადება არ ხდება შაბათ-კვირას და დასვენების დღეებში.
ნებისმიერი საკითხი, რომელიც ამ მომსახურების პირობებში არაა განსაზღვრული ან დაზუსტებული, წარმოადგენს კომპანიის დირექტორის დისკრეციული უფლების სფეროს და წყდება ინდივიდუალურად.
მადლობას გიხდით თანამშრომლობისთვის.